Uncategorized

ኤክቱስ ጥቅምት 13/2019 ዓ.ም በጌዴኦ ኮሬና ቡርጂ ሀገረ ስብከት በቡሌና ራጴ ወረዳ ቤተ ክህነት በሀሮ ወላቡ እግዚአብሔር አብ ቤተ ክርስቲያን ከዚህ ቀደም የሌላ እምነት አባላት የነበሩ እና የቅድመ ጥምቀት ትምህርት ሲማሩ የቆዩ አሥራ ስድስት አዳዲስ አማንያን በጥምቀት የሥላሴን ልጅነት አግኝተዋል። ሀገረ ስብከቱ የክርስቶስ የመንግሥቱን ወንጌል በማስፋፋት፣ ኢ-አማንያንን ወደ አሚነ ሥላሴ ለመመለስ በትጋት እየሠራ ይገኛል።

ኤክቱስ ጥቅምት 04/2019 ዓ.ም የሀገረ ስብከቱን የአገልግሎት አሰጣጥ ለማዘመንና መረጃዎችን በተደራጀ መንገድ ለመያዝ እየበለጸገ የሚገኘው የሀገረ ስብከቱ ዳታቤዝ (Database) ግንባታ ወደመጠናቀቅ መሄዱን ተከትሎ ብፁዕ አቡነ ገሪማ ከቴክኖሎጂው አልሚ ከሆነው «AYO TECH» ኃላፊነቱ የተወሰነ የግል ማኅበር እና በአዲስ አበባ ከሚገኘው የመማክርት ኮሚቴ አባላት ጋር ውይይት አደረጉ። በዚሁ የምክክር መርሃግብር ላይ ለ፵፭ኛው አጠቃላይ የሰበካ መንፈሳዊ ጉባኤ የመጡ የሀገረ ስብከቱ ልዑካን እና በአዲስ አበባ የሚገኙት የሀገረ ስብከቱ መማክርት ጉባኤ አባላት ተገኝተውል። በውይይቱ ወቅት የዳታቤዙ አጠቃላይ የመልማት ሂደትና የመጨረሻ ደረጃዎች የቀረቡ ሲሆን ሥርዓቱ ሙሉ በሙሉ ሥራ ሲጀምር የሀገረ ስብከቱን የመረጃ ልውውጥ፣ የአገልጋዮችና የምእመናን ምዝገባ እንዲሁም አስተዳደራዊ ተግባራት ይበልጥ የተቀላጠፉና ግልጽነት ያላቸው እንደሚያደርጋቸው ተገልጿል። ብፁዕ አቡነ ገሪማ ለሥራው መሳካት ያለ ምንም ክፍያ አስተዋጽኦ ላደረጉት ለAYO TECH የቴክኖሎጂ ባለሙያዎችና ለመማክርት ኮሚቴው አባላት ምስጋናቸውን አቅርበዋል። አያይዘውም የቤተክርስቲያኗን አገልግሎት ከዘመኑ የቴክኖሎጂ ዕድገት ጋር በማጣጣም ረገድ የዳታቤዙ መጠናቀቅ ከፍተኛ ድርሻ እንደሚኖረው በመጠቆም በቀጣይም ከላይኛው መዋቅር በተናበበ፣ የመረጃ ደኅንነትንና አስተማማኝነትን ባረጋገጠ መልኩ ሙሉ በሙሉ ወደ ሥራ እንዲገባ አባታዊ መመሪያ ሰጥተዋል። በመጨረሻም የመማክርት ኮሚቴውና የቴክኖሎጂ ድርጅቱ ተወካዮች የዳታቤዙን ሥራ የመጨረሻ ማስተካከያዎች በማጠናቀቅ በአጭር ጊዜ ውስጥ ሙሉ በሙሉ ዝግጁ ለማድረግ አስፈላጊውን ዝግጅት ማድረጋቸውን ገልጸው የጋራ ውይይቱ በብፁዕነታቸው ጸሎት ተጠናቋል።

ኤክቱስ ጥቅምት 04/2018 ዓ.ም በ፵፭ኛው ዓለም አቀፍ ጠቅላላ የሰበካ መንፈሳዊ ጉባኤ ስብሰባ ላይ የጌዴኦ ኮሬና ቡርጂ ሀገረ ስብከት ዋና ሥራ አስኪያጅ መልአከ ሕይወት ብርሃኑ ክፍሌ የሀገረ ስብከቱን የ2018 በጀት ዓመት አጠቃላይ የሥራ አፈጻጸም ሪፖርት አቀረቡ። የቀረበው ሪፖርት በስብከተ ወንጌል አገልግሎት፣ በአብነትና ሰንበት ትምህርት ቤቶች፣ በመልካም አስተዳደር፣ በልማት፣ በዘመናዊ የፋይናንስ አሠራርና በበጎ አድራጎት ዘርፎች የተከናወኑ አበይት ተግባራትን ያካተተ ነው። በበጀት ዓመቱ በስብከተ ወንጌል ከ22 በላይ ሕዝባዊ ጉባኤያት በአማርኛ፣ በጌዴኡፋ፣ በኮሪቴና በዳሸቴ ቋንቋዎች የተካሄዱ ሲሆን፤ ቤት ለቤት በተደረገ እንቅስቃሴ 601 ንሥሐ አባት የሌላቸው ምእመናን የንሥሐ አባት እንዲኖራቸው ተደርጓል። በማረሚያ ቤትና ሐዘን ቤቶችም አገልግሎት የተሰጠ ሲሆን 21 ሰባኪያነ ወንጌል ተሠልጥነው ተሰማርተዋል። ሌላ 30 ወጣቶች ደግሞ በመሠልጠን ላይ ይገኛሉ። በዚህም 3,558 አዳዲስ አማንያን ተጠምቀው የሥላሴን ልጅነት እንዳገኙ ገልጸዋል። በአብነት ትምህርት በኩል በአንዲዳ መድኃኔዓለም አዳሪ የአብነት ትምህርት ቤት ከሚማሩት በተጨማሪ በአድባራት 1,282 ተማሪዎች በመማር ላይ መሆናቸውን ገልጸው 111 ደቀ መዛሙርት ዲቁና 19 ደግሞ ቅስና ተቀብለዋል። በተጨማሪም በማኅበረ ቅዱሳን ድጋፍ በ12 ሚሊዮን ብር በጀት የሚገነባውና 32 ተማሪዎችን የሚያስተናግደው የአብነት ትምህርት ቤት ግንባታ አፈጻጸም ከ60% በላይ መድረሱን ገልጸዋል። በሰንበት ትምህርት ቤት ዘርፍም የመንበረ ፓትርያርክ ሥርዓተ ትምህርት ተሰራጭቶ ሥራ ላይ የዋለ ሲሆን፣ ለ110 ወጣቶች ሥልጠና ተሰጥቶ አጠቃላይ አባላት ቁጥር 11,500 ደርሷል። በአመራርና አስተዳደር አቅም ግንባታ በኩል ለሰበካ ጉባኤ አባላት፣ ካህናትና ሠራተኞች ሥልጠና የተሰጠ ሲሆን፣ በዲላ ዩኒቨርሲቲ ምሁራን የሥራ አመራርና የኮምፒውተር ሥልጠና ተሰጥቷል። የሠራተኞች ቅጥር በውድድርና በብቃት እንዲሆን መደረጉ፣ የሕግ ክፍል ዐቢይ ኮሚቴ መቋቋሙ እና በአድባራት የነበሩ ግጭቶች በውይይት መፈታታቸው ተገልጻል። በሰበካ ጉባኤ ማደራጀት በኩል የ3 አዳዲስ አብያተ ክርስቲያናት እብነ መሠረት የተቀመጠ ሲሆን 2 የተጠናቀቁት ተባርከው አገልግሎት ጀምረዋል። በተጨማሪም 45 የስብከተ ወንጌል ኬላዎችና 14 የቤተ መቅደስ ግንባታዎች በፍጥነት በመከናወን ላይ ይገኛሉ። ሀገረ ስብከቱ የአሥር ዓመት ሥልታዊ ዕቅድ በማዘጋጀት ተግባራዊ ያደረገ ሲሆን ከአሥራ ስምንት ሚሊዮን ብር በላይ የሚፈጀው የመንበረ ጵጵስና ግንባታ 85% ደርሷል። በሀገረ ስብከቱ ጽሕፈት ቤት፣ በአንዲዳ የአዳሪ የአብነት ትምህርት ቤት እንዲሁም በአድባራት የንብ ማነብ፣ የዶሮ እርባታ፣ የግብርና፣ የኪራይ ቤቶችና የእህል ወፍጮ ሥራዎች ተጀምረዋል። በገንዘብና ንብረት አስተዳደር በኩል የደብል ኢንትሪ (Double-entry) ዘመናዊ የሂሳብ አሠራር ሙሉ በሙሉ የተተገበረ ሲሆን በዲላ ከተማ የሚገኙ አድባራት በፒችትሪ (Peachtree) ባለሙያዎች እንዲመሩ ተደርጓል። የ2017 ዓ.ም ሂሳብ ኦዲት መደረጉም ተጠቅሷል። በሀገረ ስብከቱ ማኅበራዊ ሚዲያና ዌብሳይት ወቅታዊ መረጃዎችን ያሰራጨ ሲሆን በጌዴኦ ዞን በቡሌና ራጴ ወረዳዎች በደረሰ የመሬት መንሸራተት አደጋ ለተጎዱ ወገኖች አስፈላጊው ድጋፍ ተደርጓል። በፋይናንስ አቅም ግንባታ በኩል በተደረገው የግንዛቤ ማስጨበጫ ሥራ የ35 ፐርሰንት ክፍያ ከባለፈው ዓመት የ47% ጭማሪ በማሳየት 4,662,462.83 (አራት ሚሊዮን ስድስት መቶ ስልሳ ሁለት ሺህ አራት መቶ ስልሳ ሁለት ብር ከሰማንያ ሶስት ሳንቲም) ገቢ ሆኗል። በመጨረሻም ክቡር ሥራ አስኪያጁ የተሰበሰበበትን ገቢ የሚያረጋግጠውን ደረሰኝ (የባንክ ስሊፕ) ብፁዕ አቡነ ገሪማ የሀገረ ስብከቱ ሊቀ ጳጳስና የቅዱስ ሲኖዶስ አባል ለብፁዕ ጠቅላይ ሥራ አስኪያጅ እንዲያስረክቡላቸው በክብር ጥሪ በማቅረብ ሪፖርቱ ተጠናቋል።

ኤክቱስ ጥቅምት 1/2019 ዓ.ም የጌዴኦ ኮሬና ቡርጂ ሀገረ ስብከት የአንዲዳ የአዳሪ የአብነት ትምህርት ቤት የ2019 ዓ.ም የትምህርት ዘመን ከሀገረ ስብከቱ ሥር ከሚገኙት ስድስቱም ወረዳ ቤተ ክህነት የተውጣጡ አዳዲስ ደቀ መዛሙርትን ተቀብሏል። በ2019 ዓ.ም የትምህርት ዘመን በአብነት ትምህርት ቤቱ ትምህርታቸውን ለመከታተል የመጡት እነዚህ ደቀ መዛሙርት ከስድስቱም ወረዳ ቤተ ክህነት የተመረጡ ናቸው። ትምህርት ቤቱ አዳዲስ ተማሪዎችን የመቀበልና ማደርያ የመሥጠት ሥራውን ሙሉ በሙሉ አጠናቋል። ደቀ መዛሙርቱ መግባታቸውን ተከትሎ ብፁዕ አቡነ ገሪማ የጌዴኦ ኮሬና ቡርጂ ሀገረ ስብከት ሊቀ ጳጳስና የቅዱስ ሲኖዶስ አባል ለተማሪዎቹ የእንኳን ደኅና መጣችሁ መልእክት አስተላልፈዋል። ብፁዕነታቸው ለደቀ መዛሙርቱ በሰጡት የመግቢያ ኦሪየንቴሽን በትምህርት ቆይታቸው ሊከተሏቸው ስለሚገቡ መንፈሳዊና ሥነ-ምግባራዊ መመሪያዎች፣ ስለ አብነት ትምህርት ታላቅነትና ቤተክርስቲያንን በታማኝነት የማገልገል ኃላፊነት ሰፊ ማብራሪያና አባታዊ ምክር ሰጥተዋል። ትምህርት ቤቱ በ2019 ዓ.ም የትምህርት ዘመን የሚያሠልጠናቸውን ደቀ መዛሙርት በጥራት ኮትኩቶ በማሳደግ ለቤተክርስቲያኗ የትምህርትና የአገልግሎት ዘርፍ ከፍተኛ አስተዋጽኦ የሚያበረክቱ አገልጋዮችን ለማፍራት አልሞ እየሰራ ይገኛል። ብፁዕ ሊቀ ጳጳሱም ሀገረ ስብከቱ ለአብነት ትምህርት ቤቱና ለደቀ መዛሙርቱ የሚያደርገውን ሁሉን አቀፍ ድጋፍ አጠናክሮ እንደሚቀጥል አረጋግጠዋል።በመጨረሻም ብፁዕነታቸው የደቀመዛሙርቱን ማደርያ፣ መመገቢያ ክፍሎችን እንዲሁም አዲስ የሚገነባውን የአብነት ትምህርት ቤት አሁናዊ የግንባታ ሁኔታ ጎብኝተዋል። በመርሃግብሩ ቀሲስ ጤናው እንዳላማው የሀገረ ስብከቱ የፕሮጀክት ማናጀር፣ መምህር መልአክ መሠለ የአብነት ትምህርት ቤቱ የቅኔና የመጻሕፍት ትርጓሜ መምህር፣ የአንዲዳ ደብረ ሰላም መድኃኔዓለም ቤተ ክርስቲያን የሰበካ መንፈሳዊ ጉባኤ አባላት፣ አዳዲስና ነባር ደቀ መዛሙርት ተገኝተዋል።

ኤክቱስ መስከረም 30/2019 ዓ.ም በጌዴኦ ኮሬና ቡርጂ ሀገረ ስብከት የሚገኘው የአንዲዳ የአዳሪ የአብነት ትምህርት ቤት ለ2019 ዓ.ም የትምህርት ዘመን የሚያስተምራቸውን ከስድስቱም ወረዳ ቤተ ክህነት የተውጣጡ ተማሪዎችን ተቀብሏል። በዕለቱ የሀገረ ስብከቱ የመንፈሳዊ ትምህርት እና የካህናት አገልግሎት ክፍል ኃላፊ መልአከ ሰላም ቆሞስ አባ ዮሐንስ ምሕረቱ እንዲሁም የአብነት ትምህርት ቤቱ የመጻሕፍት ትርጓሜ መምህር መልአክ መሠለ ተገኝተዋል። የአንዲዳ የአዳሪ የአብነት ትምህርት ቤት ለሀገረ ስብከቱ በርካታ አገልጋዮችን በማፍራት፣ በአገልጋይ እጥረት ምክንያት የተዘጉ የገጠር አብያተ ክርስቲያናትን ከመክፈት ረገድ ከፍተኛ አስተዋጽኦ እያበረከተ ይገኛል።

ኤክቱስ መስከረም 29/2019 ዓ.ም በጌዴኦ ኮሬና ቡርጂ ሀገረ ስብከት ሥር ለሚገኙና ድጋፍ ለሚሹ የገጠር አብያተ ክርስቲያናት የሚደረገው የአንድ ዓመት የካህናት ደመወዝ ድጋፍ ከጥቅምት ወር ጀምሮ ተግባራዊ መሆን እንደጀመረ ተገለጸ። ይህ ድጋፍ ሊደረግ የቻለው በብፁዕ አቡነ ገሪማ የሀገረ ስብከቱ ሊቀ ጳጳስና የቅዱስ ሲኖዶስ አባል አባታዊ ጥሪ መሠረት ሲሆን ቀደም ሲል በመምህር ዘመድኩን አስተባባሪነት ለ56 አብያተ ክርስቲያናት ለደመወዝ ድጎማ፣ ለአብያተ ክርስቲያናቱም ደግሞ ጧፍ፣ ዕጣን እና ዘቢብ ከተገባው ቃል መካከል በአሁኑ ወቅት ገቢ ተደርጎ ለተጠናቀቁ ለ40 ለተቸገሩ እና ለተጎዱ የገጠር አብያተ ክርስቲያናት ለእያንዳንዳቸው ለአንድ ካህን ወርሃዊ ደመወዝ የሚሆን 4,000 (አራት ሺህ) ብር ድጋፍ የተደረገ መሆኑ ተገልጿል። ይህ የተመደበው በጀት አብያተ ክርስቲያናቱ ለአንድ ዓመት ያህል የካህናት እጥረት ሳይገጥማቸው አገልግሎታቸውን በጥንካሬ እንዲቀጥሉና መንፈሳዊ እንቅስቃሴያቸው እንዳይደናቀፍ ትልቅ አስተዋጽኦ እንደሚያበረክት ተገልጿል። ሀገረ ስብከቱ ይህ ድጋፍ እውን እንዲሆን ላስተባበረው የቤተ ክርስቲያን ልጅ ለሆነው ለመምህር ዘመድኩን በቀለ እንዲሁም ጥሪውን ተቀብለው ለተባበሩት ምዕመናን በሙሉ የላቀ ምስጋናውን አቅርቧል። ድጋፉ ከጥቅምት ወር ጀምሮ እንዲከፈል በቀጥታ ለየአብያተ ክርስቲያናቱ ገቢ የተደረገ ሲሆን ሀገረ ስብከቱ አፈጻጸሙን በበላይነት እንደሚከታተል ታውቋል።

ኤክቱስ መስከረም 27/2019 ዓ.ም በዲላ ከተማ የሚገኙ አብያተ ክርስቲያናት ድርብ የሒሳብ አመዘጋገብ (Double-Entry Accounting) ሥርዓትን ሙሉ ለሙሉ መተግበር መጀመራቸውን ተከተሎ፤ ይህንኑ አሠራር በይርጋጨፌ ከተማ በሚገኙ አብያተ ክርስቲያናትም ተግባራዊ ለማድረግ የሚያስችል የምክክርና የሥልጠና መርሃ ግብር ተካሄደ። ብፁዕ አቡነ ገሪማ የጌዴኦ ኮሬና ቡርጂ ሀገረ ስብከት ሊቀ ጳጳስና የቅዱስ ሲኖዶስ አባል ከወረዳ ቤተ ክህነቱ፣ ከከተማው የሦስቱ አድባራት አስተዳዳሪዎችና የአስተዳደር አካላት ጋር ሰፊ ውይይት አድርገዋል። በመርሃ ግብሩ ብፁዕነታቸው ራሳቸው ያዘጋጁትን «የደብል ኢንትሪ የሒሳብ አያያዝ፣ የፋይናንስ ግልጽነት እና የሕጋዊነት አስፈላጊነት» የተሰኘ ሰፊ ገለጻና ፕረዘንቴሽን (Presentation) ለአስተዳደር አካላቱ አቅርበዋል። በገለጻቸውም የፋይናንስ አስተዳደርን ማዘመን፣ በየደረጃው ግልጽነትና ተጠያቂነትን ማስፈን እንዲሁም የቤተክርስቲያኗን ሀብት በሕጋዊና በዘመናዊ መንገድ ማስተዳደር የሚቻልበትን አቅጣጫ አመላክተዋል። ቀደም ሲል በተቀመጠው አቅጣጫ መሠረትም አሠራሩን በቴክኖሎጂ ለማደገፍና የሥራ ቅልጥፍናን ለመጨመር በአካውንቲንግ የትምህርት ዘርፍ የተመረቁና የፒችትሪ (Peachtree) ሶፍትዌር ዕውቀት ያላቸው ባለሙያዎችን የማደራጀት ሥራ የሚቀጥል ይሆናል። የስብሰባው ተሳታፊዎችም የተሰጠውን ትምህርታዊ ገለጻ እንዲሁም መመሪያ በመቀበል አዲሱን ዘመናዊ የሒሳብ አመዘጋገብ አሠራር በከተማው ባሉ አብያተ ክርስቲያናት ሙሉ ለሙሉ ተግባራዊ እንደሚያደጉ ቀነ ገደብ በማስቀመጥ ገልጸዋል። በመርሃግብሩ የሀገረ ስብከቱ የሰበካ መንፈሳዊ ጉባኤ እና የሰንበት ትምህርት ቤቶች ማደራጃ ኃላፊ መልአከ ብርሃን ዳንኤል ነቢዩ፣ መምህር በየነ ክፍሌ የሀገረ ስብከቱ ቁጥጥርና ምግባረ ሰናይ ክፍል ኃላፊ፣ መልአከ ሰላም ይባቤ ይልማ የወረዳ ቤተ ክህነቱ ሥራ አስኪያጅ፣ መጋቤ ኃይማኖት ብዙአየሁ ዳመነ የወረዳ ቤተ ክህነቱ ዋና ጸሐፊ፣ የአድባራት አስተዳዳሪዎች፣ የሰበካ መንፈሳዊ ጉባኤ አስተዳደር አካላት ተገኝተዋል።

ኤክቱስ መስከረም 23/2019 ዓ.ም ብፁዕ አቡነ ገሪማ የጌዴኦ ኮሬና ቡርጂ ሀገረ ስብከት ሊቀ ጳጳስና የቅዱስ ሲኖዶስ አባል በጽሕፈት ቤታቸው ከተመረጡት ኮሚቴዎችና ከጥምቀትን በዲላ ማኅበር ጋር በዛሬው ዕለት የምክክር መርሃ ግብር አከናውነዋል። የስብሰባው ዋና ዓላማ ወር በገባ በመጨረሻው ሰንበት በብፁዕነታቸው መሪነትና በጥምቀትን በዲላ ማኅበር አዘጋጅነት የሚከናወነውን ወርሃዊ የወጣቶች መንፈሳዊ መርሃ ግብር በቀጣይ ከዚህ በፊት ከነበረው በተሻለና በተደራጀ ሁኔታ ማካሄድ እንዲቻል ለማድረግ ነው። በውይይቱ መነሻነት በብፁዕ አቡነ ገሪማ የተዘጋጀው “የኦርቶዶክሳዊ ወጣቶች መንፈሳዊና ምግባራዊ ሕይወት” የተሰኘ ምክረ ሃሳብ ለተሳታፊዎቹ የቀረበ ሲሆን አጠቃላይና አንድ ወጥ የሆነ የወጣቶች ሥርዓተ ትምህርት ማዘጋጀት፣ በዲጂታል ሚዲያና በፖድካስቶች ዘመኑን የዋጀ የወንጌል ትምህርት ማሰራጨት፣ እንዲሁም ወጣቶችን ማዕከል ያደረገ የሥራ ዕድል ፈጠራና የክህሎት ማሳደጊያ መርሃ ግብሮችን ማደራጀት የሚሉ ዐበይት ነጥቦች ተዳስሰዋል። በተጨማሪም ወጣቶች በዓመት ውስጥ ለቀናት በገዳማትና ማዕከላት ገብተው የሚያሳልፉበት የመንፈሳዊ ሕይወት ማደሻ መርሃ ግብር ማዘጋጀት፣ በቤተ ክርስቲያን ቅጥር ግቢ ውስጥ የጥናት ማዕከላትን ማቋቋም እና ወጣቶች በቅዳሴ፣ በንሥሐ፣ በቅዱስ ቁርባንና በመንፈሳዊ አገልግሎት በንቃት እንዲሳተፉ ማድረግ በስፋት ተመልክተዋል። በመቀጠል በብፁዕነታቸው ምክረ ሃሳብ መነሻነት የውይይቱ ተሳታፊዎች ተጨማሪ ሃሳቦችንና አስተያየቶችን የሰጡ ሲሆን የቀረበውን አቅጣጫ ሙሉ በሙሉ በመደገፍ መርሃ ግብሩን ለማስፈጸም የሚያስችሉ ገንቢ ሃሳቦችንም አክለዋል። በመጨረሻም የቀረበውን ምክረ ሃሳብ ወደ ተግባር ለመቀየር የሚያስችል መርሃ ግብር የተነደፈ ሲሆን የዕለቱ የምክክር መርሃ ግብር በብፁዕ ሊቀ ጳጳሱ ቡራኬና ጸሎት ተፈጽሟል።

ኤክቱስ መስከረም 16/2019 ዓ.ም በቅድስት ቤተ ክርስቲያን ሁልጊዜም በየዓመቱ በታላቅ ድምቀት የሚከበረው የቅዱስ መስቀል የደመራ በዓል በዲላ ከተማ በብፁዕ አቡነ ገሪማ የጌዴኦ ኮሬና ቡርጂ ሀገረ ስብከት ሊቀ ጳጳስና የቅዱስ ሲኖዶስ አባል በተገኙበት በዲላ ከተማ ሻላይቱ ስቴዲየም በታላቅ ድምቀት ተከብሯል። በብፁዕነታቸው መሪነት መርሃግብሩ በጸሎተ አኮቴት፣ ጸሎተ ምህላ እና ምልጣን የተጀመረ ሲሆን በመቀጠልም በከተማው በሚገኙ ሊቃውንተ ቤተ ክርስቲያን፣ የሰንበት ትምህርት ቤቶች አንድነት ያሬዳዊ ዝማሬ የቀረበ ሲሆን የሀገረ ስብከቱ የጌዴኡፋ ቋንቋ ትርጉም ክፍል ኃላፊ ቀሲስ ሀብታሙ ሮቤ ለዕለቱ የሚስማማ የጌዴኡፋ ቋንቋ ዝማሬ አቅርበዋል። በበዓሉ ሥነ-ሥርዓት ላይ የተገኙት የጌዴኦ ዞን ዋና አስተዳዳሪ ዶክተር ዝናቡ ወልዴ የመስቀል በዓል በአንድነትና በጋራ የሚከበር ሃይማኖታዊና ባህላዊ በዓል በመሆኑ ሁሉም በአንድነት ሊያከብረው እንደሚገባ ገልጸዋል። አክለውም በዓሉ የምስጋናና የአብሮነት መገለጫ በመሆኑ ከደመራው የሚገኘውን የአንድነት እሴት በመውሰድ ለዞኑ ልማት በጋራ መሥራት እንደሚገባ አሳስበዋል። የዲላ ከተማ ምክትል ከንቲባና የሥራና ክህሎት መምሪያ ኃላፊ አቶ ታሪኩ በየነ በበኩላቸው ደመራው ፍቅርና አንድነት የሚያንጸባርቅ እሴት ለዲላ ከተማ ልማትና ሰላም ማዋል እንደሚያስፈልግ ጠቁመዋል። በሀገረ ስብከቱ ዋና ሥራ አስኪያጅ በመልአከ ሕይወት ብርሃኑ ክፍሌ ጋባዥነት ብፁዕ አቡነ ገሪማ አባታዊ ቃለ በረከት አስተላላፈዋል። ብፁዕነታቸው ባስተላለፉት መልእክት በዩኔስኮ የተመዘገበው በዓለ መስቀል በዩኔስኮ በዓለም ቅርስነት በተመዘገበው የጌዴኦ ባህላዊ መልክአ ምድር ላይ መከበሩ ዘርፈ ብዙ ፋይዳ እንዳለው ገልጸው ይህም መንፈሳዊና ባህላዊ ቅርሳችንን አስተሳስሮ ለዓለም የሚያስተዋውቅ እንዲሁም ወጣቱ ትውልድ ሃይማኖቱን፣ ማንነቱንና ተፈጥሮውን አክብሮ እንዲጠብቅ የሚያነቃቃ ሀብት መሆኑን ተናግረዋል። አክለውም ምዕመናን እርስ በእርስ በመደጋገፍ ፍቅርን በማብዛትና የቤተ ክርስቲያናቸውን ክብር በመጠበቅ የመስቀሉ ሥራ ምስክሮች መሆናቸውን በሥራ ሊያሳዩ እንደሚገባ አባታዊ አደራቸውን ጥለዋል። በመጨረሻም ብፁዕነታቸው ጸሎት አድርገው በጋራ የተዘጋጀውን ደመራ ለኩሰው የበዓሉ ፍጻሜ ሆኗል።

Konnee ayyaana ulfeesatee birii’ninna bayyii’n bukkitineexi no’oxxi keessumma duuchchinxi Baga lame kumanna tommenna sallane Gattowaalitixxe Woggake Qullitte fannoke baabbet ayyaani’a nage’ikinna fayyuntet geltineen gennenen. “ወአልቦ ኅቡዕ ዘኢይትከበት ወአልቦ ክዱን ዘኢይትከሠትማር ፬-፳፪“Leellitabaashsha shoondeexxi hexxebaan ifa fuldo’a malee buqendeexxi hexxebaan.”Marqoos 4:22 Gootti nna qorsi no’ok Iyyesuusi Kiristoosi dada duuchchixe fayya’a hiyyeexxi haqichchinxe fanno’n fanniseme’e fayyiseechchi uduma qullitte fanno hara lumolla manbe’a hujjaa’na uudemmak Ayihudoot gaabbet ke’neen. Goottinxi fanno lumolla Manbe’a hujjaa’na uundeemmaxxee isexxa baada balleessatee welenxe lame fannon welti Iyyerusaalemi’n afendaaxxe lumoxxe bale’n moongeen. Loolink mani duuchchi tenne bale’n kora tuullaashsha ajanjeen. Sase dhibba wogga’ana kora tuullammale kooba kadeen. Kaddomalee Mageninik ulfinni heenooke mannixxe fuggonni shoome gato’a dande’ebaan. Sase dhibba wogga uduma Mootitte Illeeni ke’isseen. Qulliyye ke’isseexxi Gedaametiba,Tolcheme manna ke’isseexxi munde dunnaashsha,Hawwaariyaate ke’isseexxi butta duuchcha doone barsiinsaasha asseek Mageni Mootitte Illeeni ke’ise’e qeerraake bari’a shoonde hexxeemmaxa goottinxa fanno fulchito’a qalbe isexxa kekke’issammale Iyyerusaalemi’a marteen. Okkoonna marteexxi geechcho Kiraakoosi hiyyemaaka qorte’e isi hiyyeeshsha assiteexxi baabbe otte’e ixaana wiliilchiteexxi ixaaniinxi wiliille iimi’a mete wirrite higher dagge sagaddeexxi qullitte fanno moogendeexxa bakka kuldeen. Tenne hundaayye’n bakka ettenee birra’a tommenna torbaaneke’n sanfee qonteexxi caansa tommeke’n galatikina faarot gonshe fulchineen. Ulfaatendineexxi manfasi qullichchinxi Ila Gootti nna qorsi Iyyesuusi Kiristoosixxi qullitte fanno manjinxe nna Mageninxe oddo’n hedhemmaki loli diiggeme Mageninxi fayyisatixxi huje ifa fuldeeke ayyaanan. Telcho konne loola’n baabbe onte xassa xassine ayyaana ulfeessinano wodda Magenokenaa’n eebba alfinona sa’esanenaa’n caalsine ulfeesa hasissaan. Fanno no’oxxe Betekirstaaneke beesisa no’anna Kiristaanake beesisa kaddeemmaxxe goobake’n usidhine qalbete’n maxxanse’neenen. Kaddemmaxxe qalbe no’oxxenaa’n lolinka yaada balleessine qullitte fanno xurrite hujenni welt moongeennexxa goshiyyo hasisaan. Gootti no’ok fannote’n hedhe “አባ ኅድግ ወስረይ ሎሙ እስመ በዘኢየአምሩ ይገብሩ” hiyyat cubbo gattowwal hiyyaak cubbo baada balleessaak aadde aaggo eeyyaake kadeexxa ifa leellisheen. Tinni baabbe xassa haqqe gubbe balleessitammashshann no’onna qalbete’n hexxeexxa fuggonna gargarunte gattowwaalit gunbe no’oxxe oddonaa’n balleessat jaalala kaasa hasissaan. Giddii’nin no’oxxe Hagere Sibikete’n afendinaak Magenink Ilaali konnee lumoka ayyaana Yuunesko butta duuchchixxe tare assexxe borreessexxeeka Yuuneskote’n borreessemeeke Gede’inke boga’n ulfeessa gargar assitaaxxen. Konne ba’la raaga afeeka fannot ayyaana dargaggeeyye adde,ayyunte nna dada ulfeesendeexxi hexxaashsha assitaaxxe adde asse’na’n Kunni fannotik ayyaani qullitte no’oxxe Beete kiristaane’a, boga no’okee nna arda duuchchi’a Nage’inke,jaalalatike nna eebbatike kaddaashsha Mageninxe eeyyante kaddowwaal! Mageni boga no’oka eebbisowwaal! Birra’a 16/2019 G.WAbba Geriima Gede’o Koorenna Burjixxe Hagere Sibikete Phaphaasichcho