Boroxxe Arsiixe Hageresibikete’n Asikonna Beshirka roga’n Ella 23/2018 G.W saffe mitte balleessa afebaake Magenin arda’n gelteexxi reyo nna manninxi godaana ittann Mitte dhibba wogga bari iima turteexxi Xellata Cefa qullichcha Gabreelinx Betekirstaanexx giirat gubemanna Medaanealemixxi betekirsataane’n geyeek moori haranga yaadiseeken.
Okkone loola’n tenne fakkaataaxi bala higge-higgeen kadda’na qullichchi manni,amuwwa,annoole fuggoxxe geebensha’n nna boga waale godaanaashsha assiteemmaxxee toggiyyo hasisaaxxe nna duuchchinga yaadiseexxe yaanen.
Mootummanna nage’a heqisaalli seera heqisat ardinxa fayyunte heqqatixxa hurrine fullaashsha ege’ninshaannen. Tenne balleessa’n anga uggeeka manna seeri hunda geessisat,baqate godaaneexxi qubataaba gopheeke ardi’a hasisaak kiphinna hinge ofolaaka gara giissa;ittann Betekirstaanetenna ardi addachchisaake garin heqqemaashsha haranga jabaqicin qorraanen.
tenne jabaxxe rakko giddo hexxineeke reyeke mannike hadi’anna baqateeke ardi’a Mageni jajjabeenna uwwaashsha kadhantaannen.
Mageni miidhemeeka jajjabeessowwaal, boga no’okanna Ortodokisetixxa adde heqqowwaal!
Abba Geriima
Gede’o Korenna Burji Hageresi kete Phaphasiichcho
