“Atinna Meqideset taaboot Hafuura adhdhatibaa Ke’we “ (Faaro 131:8)
Tophphinxe Ortodokisi Tewahidoke Addet mine’n hexxeexxe torbaane lallabinxe tsoomenaa’n mitte kaddeexxi Filsatinxi tsoome Giitte Maariyami Maalingin iimi’a adhdhendeexxanna udumi’ninna beltinshan reyotenaa’n kexxeexxa hendannoxxe tsoomen.
Tinni yanna malinxa halcha lubbotee hirsiinsennexxi Magenik araaremmannoxxe Manfasinxa hedho jabeesse’nanoxxe Suba’etixxe yannan.
Kaddemmaxxee tennee eebbisendeexxa tsoome duuchching ardi eebba alfisaake orinn Se’atatetixxe,Kidaanetixxe,Mahileetetixxe nna Qiddaasetixxe kadha’n afemat Wudaase Maariyamenna Qiddaase Mariyamixxe tika’n ittann duuchchinxe ergachcho’n hordoffe assitinaashsha annuntetixxa erga sa’issaannen.
Tenne tsoometixxi yanna’n aadde aaggotibaanna qullichcha qurbaanibaa shiqa gonphonnole wo’ma kada goohphammaxxee buttatike raankanaa’n bayyante aadde aange qullichcha qurbaaniba shiqa hasisaan.
Ulfaatendineexxi qullichcha manfasixxi ila tinni yanna weli’a weli shinqe lola bayyinse nage’a saamantanoxxe kaddemmaxxee; Mitti weleke kadhatati dayyummatixxa jaalala ifisa hasisaan.
“ወአኮ ጾም እምኅብስት ወማይ አላ ጾምሰ ዘውኩፍ ቅድመ እግዚአብሔር ንጽሐ ልብ “
“Tsoome inde ha’winachchonaa’n hoyyema calla kaddebaak Mageni adhdhaaxxi tsoome qullitte qalbexxen.” Fitiya negest deero 15:558
Inde ha’winaachchonaa’n hoyyema calli tsoomete hiyyisamabaaxxee qullitte qalben he’ne solo’weeka itisat,daareeka oddeesatinna rakkateeka gargaarat maalinxanna lubbotixxa badino affebaaxxi ama Maariyami kadhataa’n alfisaaxxa eebba alfinannoxxe tsoome kaddaashsha annuntetixxa erga sa’issinaannen.
Boga no’oka Mageni eebbisowwal!
Abbaa Geriima
Gede’o Koorenna Burjixxe Hagere Sibikete Phaaphaasichchonna Qullitte Sinoodoosexa una
