Ekitusi Qoodama 5/2018 G.W
Anninke summin beltinke summin Qullichcha hafuurike summin mitte Mageno Ameen!
እግዚኦ ባርክ ፍሬሃ ለምድር መሐሪ ወጻድቅ መኑ ከማከ ዘታርኁ ክረምተ በጸጋከ ነፍስ ድኅንት ወነፍስ ርህብት እንተ ጸግበት ተአኩተከ
“Buttatixxa sanne eebbisi atixxe uwwann haarso hiisite idagattokee atishsha hedheek qullichchinna maraak ayyete hedhe dhibendeexxi hedho fayyiteexxa yanna solo’week godob goddeexxa yanna galateefataak atee callan.” (Barook 2:6)
No’oxxe Hagere Sibikete’nna kadi boga duuchcha’n afendinaak manfasi qullichchinxi ila Duchchingena’n arji Mageni eeti isixxin dullachcha Marqoosike barinaa’n haarooke Luqaasike baro 2019 G.W fooseexxe summi isik lummedheeke kadowwaal!
Haarooxxi wogga daggaa wodda bari calli jijjiiremaa’na no’o jijjiiremmabe’nok heddi bari no’o’n sa’een. Assichchik,haaso’ikinna gargarike orinn Mageno yaadinsa’n turreennen.Saxxeexxa wogga aadde aagot muunxennexxi haarooxxa wogga jaalalat,nage’ikinna eloxxe hujenni safa gonphaannole barinxi jijjiirra calli la’o affebaan.
Ulfesendineek Magenink ardi
No’o Kiristoosin Kiristaana kandeennek Kiristoosi barsiisebaaxxa halo,gosunte ifixxe asse’ne he’naannole Qullichi Phawuloosi “no’o seerinke hadinanan” hiyya’n seera heqqabaaka Ayihudoota “Magenink summi ha’nooxxe buutonn Ahizaabete’n yowwemeen.” Hiyye ifisemmashshann No’onna weli’a weli gattowwaalitinna mittuntet hedhat Kiristoosixa jaalala hedho no’oxxin ifisa gonphonnole tinni erga telchonna no’aten.
Ulfaatineek Magenink ardı No’oxxe Hagere Sibikete’anna Bette-kirstaaneke nage’a heqqendaaxxa duuchcha assitinaashsha maganne hinannen.
Konne Luqaasike baro’n no’oxxe Hagere Sibikete’n Mageni minixxa ergachcho ba’lisatee,hadi giddixxa Betekirstaane kiphatee,Abinetetika barachchot mine ba’lisatee ,dargaggeeyye addetinna eloke adabinn nossatee ittann rakkateeka nna baala gopheeka gargaaratee safendeexxa manfasinxa ergachcho jabeessine me’atee konne eloke yaadi’a bogi giddonna kadi gadho hexxineek Magenink ardi asitinammaka kipha uurrisinabaashsha hinaannen.
2019 Haarooxxi wogga Tophakeenna bogi duuchchi’a nage’inxe,jaalalatixe,fayyuntetixenna suginxe kaddaashsha Mageno kadhantannon.
Oriitetike bari muuxam haarooxe kakok safi cuuphat Kahine kadeek, buttatixxa cubbo gattowwaal hiyyaak ani uduma dagaan hiyyeexxe Wabeeko hiyyemeek Kiristoosi summi’a tolchemeexe Sema’ite kadeeke Qullichcha Yohaaanisixi eebba no’anna geltowwal.
Mageni boga no’oka eebbisowwaal!
Abba Geriima
Gede’o Koorenna Burjixxe Hagere Sibikete Phaphaasichcho
