በሀገረ ስብከታችን በወጣው የሥራ ማስታወቂያ ላይ “ሙሉ ጤነኛ” ለሚለው መስፈርት ለተፈጠረው ጥያቄና ስለምዝገባው ሁኔታ የሚከተለውን ማብራሪያ እንሰጣለን።
በመጀመሪያ ደረጃ “ሙሉ ጤነኛ” የሚለው አገላለጽ የተፈለገው አመልካቾች የተሰጣቸውን የሥራ ኃላፊነት ያለ ጤና እክል በብቃት መወጣት የሚችሉ መሆኑን ለማረጋገጥ ነው። በመሆኑም አንድ አመልካች ለሂሳብ ሥራ መደቡ የሚያስፈልጉትን መሠረታዊ ተግባራት (ለምሳሌ የሰነዶችን ትክክለኛነት በጥንቃቄ ማረጋገጥ እና የኮምፒውተር ላይ የሂሳብ ሥራዎችን ማከናወን) በብቃት ለመወጣት የሚያስችል አቅም እስካለው ድረስ፣ ማንኛውም አካላዊ ሁኔታ እንደ መከልከያ መስፈርት አይቆጠርም።
በተጨማሪም የሚጠየቀው የሕክምና ማስረጃ ዓላማው አመልካቹ የተመደበበትን የሥራ ኃላፊነት በአግባቡ ለመወጣት የሚያስችልና ለሥራው አስፈላጊ የሆነው የተሟላ የጤና ቁመና ላይ መሆኑን ለማረጋገጥ እንጂ ማንኛውንም ዓይነት መድልዎ ለመፈጸም እንዳልሆነ እንገልጻለን።
በመጨረሻም በርቀት የምትገኙና በአካል ቀርባችሁ መመዝገብ የማትችሉ አመልካቾች በማስታወቂያው ላይ የተጠቀሱትን አስፈላጊና የተሟሉ ማስረጃዎች በሙሉ በሀገረ ስብከቱ ይፋዊ የኢሜል አድራሻ Office@eotc-gkb.org በመላክ በኦንላይን መመዝገብ የምትችሉ መሆኑን እናሳውቃለን።
የጌዴኦ ኮሬና ቡርጂ ሀገረ ስብከት የሕዝብ ግንኙነት ክፍል
